许冠文鬼马Talk　show(1)

　　港人讲嘢

　　□记录莫夕

　　2005年10月，香港红勘体育馆热闹非常。素有冷面笑匠之称嘅许冠文，喺红馆开咗场120分钟嘅万人栋笃笑，喺红馆历史上係第一次嘅啫。一个人，用抵死嘅笑声嚟讲香港30年嘅时代变迁同人生百态，笑到肚痛之余，亦都係令人拍案叫绝嘅！希望大家喺笑到拍大髀嘅时候，都可以得闲反思下我哋生活嘅社会，跟住喺当中feel下人生嘅大道理啦。精彩内容好多，我哋分期播出，齐齐欣赏，益下街坊。

　　首先畀碟前菜大家试下先，係阿许生对时下非常流行嘅“整容”风气嘅睇法嚟嘅。呢味前菜，都几抵死噶！

　　关于整容

　　“咩啊？我好靓仔？靓仔吖嘛？我有无改容？嗱，我冇改容个喔。係咪几靓仔啊？嗱，我就唔赞成人哋改容噶，我老婆都唔赞成，我话你千祈唔好塞嚿嘢落个鼻，又塞嚿嘢落个下巴嗰度，又塞两嚿嘢落个胸嗰度，噉将来你死咗之后，你啲孙同你执骨嘅时候，就问佢阿妈，点解阿嫲嫲嗰啲骨里面咁鬼多塑胶噶呢？噉点答呢？我话，你唔好啦，哎呀……所以大家改时改，要小心啲吖哈。”